Ошмянский краеведческий музей имени Ф.К. Богушевича приглашает всех мальчиков и девочек, а так же их родителей, бабушек и дедушек, преподавателей и воспитателей посетить с 20 ноября 2019 г. по 12 января 2020 г. выставку « В ГОСТИ К СКАЗКЕ».
На выставке представлено более 60 героев любимых сказок. Вы сможете попутешествовать в сказки известных писателей: Г.Х.Андерсена («Дюймовочка», «Снежная королева», «Принцесса на горошине»), Ж.Перро («Красная шапочка», «Золушка»), К.Чуковского («Муха-Цокотуха»), С.Маршака («12 месяцев», «Кошкин дом»), В.Гаршина («Лягушка-путешественница»), Мамина-Сибиряка («Серая шейка»), Л.Толстого («Золотой ключик»), Змитрока Бядули («5 ложек затирки»), Паустовского («Солдатская сказка»), Куприна («Слон») и многих других.
Во время сказочного путешествия вы сможете посмотреть сказки и мультики, послушать песни, поиграть в викторины, интеллектуальные игры и примерить костюм Мальчиша – Кибальчиша с саблей.
Цена билета:
Детский (от 3-х лет) – 2,50 руб.;
Взрослый – 3,00 руб.;
Детский групповой – 2,00 руб.
Справки по телефонам: 7-67-53; 7-67-52.
МЫ ВАС ВСЕХ ОЧЕНЬ ЖДЕМ!!!
Ашмянскі краязнаўчы музей імя Ф.К. Багушэвіча запрашае:
17 мая ў 19.00 на мерапрыемства «Ноч музеяў-2019. Палітра музейнай ночы »
У праграме:
19.00 — 20.30
• Выступленне народнага ансамбля народных інструментаў «Карусель» і народнага інструментальнага ансамбля «Хорошее настроение» Ашмянскай дзіцячай школы мастацтваў;
• Выступленне ВІА Ашмянскага дзяржаўнага аграрна-эканамічнага каледжа пад кіраўніцтвам А. Абрамовіча;
• Выступленне выкладчыкаў Ашмянскай ДШМ Т. Чэрскага і І. Асмольскай;
• Прэзентацыя вынікаў пленэра «Ашмяны вачыма юных мастакоў» (навучэнцы Ашмянскай ДШМ і Бараўлянскай ДШМ Мінскага раёна);
• Адкрыццё мастацкай выставы жывапісца, баталіста, члена Саюза мастакоў Расіі, уладальніка прыватнай студыі ў Мінску і персанальнай галерэі ў Валожыне У. Сайко і яго вучняў «Прысвячэнне Ашмянам»
• Майстар-клас па жывапісу і партрэту ад У. Сайко;
• Праца мастацкай фотозоны.
20.30
• Кіназала на адкрытым паветры — прагляд мастацкага фільма «Паміж жыццём і смерцю» (Беларусьфільм), 2003 г. Месца здымкі — мястэчка Гальшаны;
• Бясплатны буфет кіназалы з гарачай гарбатай і абаранкамі.
22.00
• Экскурсія па начной экспазіцыі з ліхтарыкамі «История не дремлет».
Уваход на мерапрыемства вольны!
Да Міжнароднага дня помнікаў і гістарычных месцаў Ашмянскі краязнаўчы музей імя Ф.К. Багушэвіча арганізуе бясплатную экскурсію па цэнтру горада “Ашмяны знаёмыя і незнаёмыя” (Плошча 17 Верасня – касцёл Святога Міхаіла Архангела – Свята-Васкрасенская царква – будынак былой сінаногі).
Чакаем усіх жадаючых 18 красавіка ў 16.00 на пляцоўцы каля музея.
Ашмянскі краязнаўчы музей імя Ф.К. Багушэвіча запрашае наведаць выстаўку новых паступленняў “Кола часу”. Да ўвагі наведвальнікаў прадстаўлены лепшыя музейныя прадметы, якія паступілі ў фонды Ашмянскага музея з канца 2015 года: прадметы побыту і мэблі, прадметы жывапісу і графікі, кнігі, дакументы Ашмянскага павета 1920-1930-х гг., асабістыя дакументы і ўзнагароды вядомых жыхароў Ашмяншчыны і многае іншае.
Выстаўка працуе: з 5 красавіка па 16 мая штодзенна, акрамя панядзелка, з 10.00 да 19.00. Кошт уваходнага квітка – 0,50 руб.
На агляд-падарожжа “Родны свой край любі і ведай” дзе адбудзецца сустрэча з уласнікамі калекцый, чакаем вас 17 красавіка ў 15.00 (у рамках Года малой радзімы). Уваход на мерапрыемства вольны.
Ашмянскі краязнаўчы музей імя Ф.К. Багушэвіча запрашае наведаць вечар-партрэт «Коллекционируя память …», падчас якога адбудзецца сустрэча мінскім даследчыкам і калекцыянерам Уладзімірам Багданавым. Мерапрыемства адбудзецца 5 снежня ў 15.00. Уваход вольны.
Багданаў Уладзімір Анатольевіч — даследчык, фатограф, калекцыянер арыгінальнай фотахронікі і дакументаў часоў Першай сусветнай вайны. (Сваю самую першую фотавыставу, на якой былі прадстаўлены найбольш значныя беларускія архітэктурныя помнікі, арганізаваў у 2002 г. у філіяле Нацыянальнага мастацкага музея ў Гальшанах).
Больш за дзесяць гадоў займаецца вывучэннем Першай сусветнай вайны. Аўтар кніг (у іх ліку «Битва у Нарочи. 1916» аб Нарачанскай аперацыі), шэрагу артыкулаў і выстаў аб падзеях 1915 — 1919 гг. на тэрыторыі Беларусі.
За час вывучэння тэмы аўтарам сабрана адна з найбольш значных у рэспубліцы калекцый матэрыялаў, якія тычацца гісторыі Першай сусветнай вайны на тэрыторыі Беларусі — арыгінальная фотахроніка (паштовыя карткі, фотаздымкі, асабістыя фотаальбомы удзельнікаў вайны), а таксама малюнкі, ілюстраваныя выданні, перыёдыка, дакументальная ваенная літаратура, у прыватнасці, палкавыя гісторыі.
Установа культуры “Ашмянскі краязнаўчы музей імя Ф.К. Багушэвіча” запрашае 24 лістапада ў 15.00 аматараў гісторыі і ўсіх неабыякавых да культурнай спадчыны Ашмяншчыны на мерапрыемства “Традыцыі на мове сяброўства”, прысвечанага 620-годдзю татарскага асадніцтва на тэрыторыі Беларусі. Спецыяльнымі гасцямі музейнага хранографа стануць:
- Дзмітрый Радкевіч – старшыня Рады імамаў мусульманскага рэлігійнага аб’яднання ў Рэспубліцы Беларусь;
- Максат Авезаў – адказны за інфармацыйна-выдавецкі сектар мусульманскага рэлігійнага аб’яднання ў Рэспубліцы Беларусь.
Вашай увазе прапануюцца наступныя тэмы для абмеркавання:
- Гісторыя і культура татар на беларускіх землях у XIV – XX стст.;
- Татарскія пасяленні на тэрыторыі Ашмянскага павета;
- Рэканструкцыя мячэцяў беларускіх татар сродкамі сучасных тэхналогій.
Уваход на мерапрыемства вольны.
Непаўторны водар Радзімы
Кожны від мастацтва – з’яўляецца адлюстраваннем ўнутранага сусвету творцы, таму, выклікаючы ў назіральніка цэлую гамму пачуццяў, не можа заставіць абыякавым. Творчасць беларускага мастака-пейзажыста Алега Аляксандравіча Драбышэўскага прафесіяналы даўно ахарактарызавалі як “прасветла-чыстае мастацтва”, а карціны аўтара напаўняюць душу пачуццём светлай, чыстай радасці, любові да сваёй Радзімы, захапленнем яе непаўторнай прыгажосцю.
Нарадзіўся Алег Драбышэўскі 1 студзеня 1953 года ў вёсцы Табарышкі, якая сёння з’яўляецца адной з вуліц пасёлка Гудагай Астравецкага раёна. З першага па восьмы клас юнак вучыўся ў Гудагайскай школе, але атэстат аб сярэдняй адукацыі атрымаў у адной з астравецкіх школ. Адукацыю працягваў на філалагічным факультэце БДУ. Адначасова ён наведваў заняткі ў студыі Тэатральна-мастацкага інстытута ў Мінску. Пазней, у 1985 годзе, у Мінскім педінстытуце Алег Аляксандравіч атрымаў грамадскую прафесію кіраўніка выяўленчай студыі і мастака. На базе Інстытута ўдасканалення настаўнікаў з 1988 па 1990 гг. прайшоў курс навучання ў пецярбургскіх мастацтвазнаўцаў па спецыяльнасці “сусветная мастацкая культура”.
З 1990 года мастак Алег Драбышэўскі жыве і працуе ў Мінску. Тут ён выкладаў выяўленчае мастацтва, сусветную мастацкую культуру, працаваў мастаком у выдавецтве “Тэхнапрынт”, вядучым мастацкім рэдактарам, загадчыкам мастацкай рэдакцыі ў выдавецтве “Беларуская Энцыклапедыя імя П. Броўкі”.
Жывапісец па-свойму адраджае традыцыі мастакоў-перасоўнікаў. У мэтах патрыятычнага і духоўнага выхавання, папулярызацыі мастацтва ён экспаніруе свае творы не толькі ў гарадах, але і ў пасёлках, і нават вёсках Беларусі. З вялікім поспехам і шырокім рэзанансам прайшлі персанальныя выстаўкі мастака ў Астраўцы, Маладзечне, Заслаўі, Мядзелі, Гудагаі, Барысаве, Смаргоні, Віцебску, Мінску і інш. З шырокім грамадскім рэзанансам прайшла персанальная міжнародная выстаўка жывапісу А. Драбышэўскага “Вобраз Радзімы” у Вільнюсе (Літва).
Галоўныя рысы творчасці Алега Аляксандавіча – непасрэднасць успрымання прыроды, лірызм і тонкасць увасаблення яе прыгажосці. Мастаку ўдаецца дасканала выкарыстоўваць каляровую гаму, дэталі, якія робяць яго карціны непаўторнымі. Адны толькі назвы твораў нагадваюць аб непаўторнасці кожнага імгнення жыцця «Раніцай над Віліяй», «Астравец. Кладка Зарэцкіх», «Праз лес», «Цяпло восені», «Завадзь», «Туман над Заслаўем», «Нарач», «Плынь Ашмянкі», «Сольскі краявід», «Троіцкі касцёл. Гервяты»…
Народны пісьменнік Беларусі Іван Пятровіч Шамякін у свой час напісаў: “Мяне яго карціны прывялі ў захапленне. Я ўсё-такі рэаліст, і гэтыя сучасныя стылі, сучасную моду не вельмі прымаю. А такія вось рэалістычныя пейзажы Алега Драбышэўскага проста кранаюць за сэрца. Хоць яны і напісаны на Астравеччыне, але тут паўстае абагульнены вобраз Радзімы. Думаю, што ў яго яшчэ ўсё наперадзе і яшчэ будзе створаны не адзін твор, які ўзбагаціць наша выяўленчае мастацтва і нашу культуру ўвогуле”.
У лютым у жыхароў Ашмяншчыны з’явіцца магчымасць таксама дакрануцца да класічнага выяўленчага мастацтва – персанальная выстаўка Алега Драбышэўскага “Водар Радзімы” адкрываецца ў Ашмянскім краязнаўчым музеі імя Ф.К. Багушэвіча 12 лютага 2016 года. Арт-гадзіна “Калі душа нарадзілася крылатай” распачнецца ў 13.30 па адрасе: вул. Савецкая, д. 128. Уваход на мерапрыемства вольны.
